ကိုယ်ဝန်ဆောင် အမှတ်တရ ဓာတ်ပုံ ရိုက်ကူးခဲ့တဲ့ မိုးယုစံ

သရုပ်ဆောင် မိုးယုစံ ရဲ့ ကိုယ်ဝန်ဆောင် အမှတ်တရ ဓာတ်ပုံကို ခင်ပွန်းဖြစ်သူ စွမ်းသူမိုး နှင့်အတူ ဇူလိုင်လ (၁၅) ရက်နေ့က ရန်ကုန်၊ Forever Garden Studio မှာ ရိုက်ကူးခဲ့ပါတယ်။

“ကိုယ်ဝန်ဆောင် ဓာတ်ပုံတွေကို ပြည်တွင်း၊ ပြည်ပက တစ်ခြားလူတွေ ရိုက်ထားတာတွေ ကြည့်ဖြစ်ပါတယ်။ ညီမကတော့ ပေါ့ပေါ့ပါးပါးနဲ့ Cute ဖြစ်တာလေးတွေ ပိုသဘောကျပါတယ်။” လို့ သားဦးရတနာလေး ကိုယ်ဝန်လွယ်ထားတာ (၈) လ ရှိနေပြီဖြစ်တဲ့ သရုပ်ဆောင် မိုးယုစံ မှ ပြောခဲ့ပါတယ်။

“ကလေးကြီးလာတဲ့အခါ ဒီပုံလေးတွေ ပြန်ကြည့်ရင် ကျွန်တော်တို့ ပီတိဖြစ်နေရမယ့် ပုံလေးတွေပါ။ သူ့ကို ဘယ်လို ပြုစုပျိုးထောင်မယ် ဆိုတာမျိုးဖြစ်အောင် ရိုက်ဖို့ စီစဉ်ထားပါတယ်။” လို့ မကြာခင် ဖခင်ဖြစ်လာတော့မယ့် စွမ်းသူမိုး မှ ဓာတ်ပုံ ရိုက်ကူးမှုနဲ့ ပတ်သက်တဲ့ သူ့ရဲ့ စိတ်ခံစားချက်ကို Myanmar Celebrity သို့ ပြောပြခဲ့ပါတယ်။